Vt 21 Áillahasluokta–Gilbbesjávri, Eanodat

Riikkageaidnu 21 geaidnooassi gaskkal Áillahasluokta–Gilbbesjávri lea oassi riikkaviidosaš váldogeaidnofierpmádagas ja dehálaš riikkaidgaskasaš oktavuohta Davvi-Norgii ja Jiekŋamerrii. Dán áigge geaidnooassi ii deavdde váldogeidnui ásahuvvon bálvalusdássemihttomeriid. Geaidnu lea baski, geometriijas ja forpmas dáfus fuotni, ja johtolatdorvvolašvuohta lea riikkaviidosaš gaskaárvvu vulobealde. Fitnu mihttomearri lea buoridit johtolaga dorvvolašvuođa ja njuovžilvuođa.

Fitnu áigeplána

  • 2024-2025 Plánen ja gilvalahttin
  • 05/2025 Huksen
  • 12/2025 Huksen gárvána

Fitnu vuođđodieđut

Áigetávval
2024–2025 

Goasttádusat
n. 5 M€ 

Diŋgojeaddji
Geaidnodoaimmahat

Teknihkalaš jođiheaddji
Maarakennus Kamara Oy

 

Mihttomearri lea buoridit

•    geainnu johtolatdorvvolašvuođa ja johtolaga njuovžilvuođa 
•    geainnu geometriija ja ráhkadusaid deaivvadandiliid dorvvolašvuođa ovddideami várás 
•    guovllu juvssahahttivuođa 
•    guhkesmátkki johtolaga doaibmasihkkarvuođa ja einnosteami 
•    fievrredemiid beaktilvuođa 
•    ealáhuslági ja turismma ovddideami eavttuid.  

 

Mihttomearri lea geahpedit

•    traileriid firronbárttiid 
•    dálkki dagahan hehttehusdiliid 
•    boatkkagiid johtolagas, mat leat čuovvumuš das, ahte mohkastanvejolašvuođat váilot
•    geainnu fuones forpma dagahan čuolmmaid: ravdadeaddašuvvamiid, mollanemiid ja bajildusvigiid.

 

Áigeguovdil

Geaidnu govddiduvvo ja dan geometriija buoriduvvo geasi 2025 áigge 4,2 kilomehtera. Ođđa geaidnu lea 8 mehtera govdosaš. Barggut álggahuvvojit miessemánu loahpas ja gárvánit jagi loahpageahčen. Bargu hehtte muhtin veardde johtolaga ja eandalii luopmoáigodagas gánnáha ráhkkanit dasa, ahte bargu ájiha mátkkošteami.

Fitnu goasttádusárvalus lea sullii 5 miljovnna euro, ja dat lea mielde Geaidnodoaimmahaga investerenprográmmas jagiid 2025–2032.

 

Álgodilli

Geaidnooassi, mii buoriduvvo, lea Eanodaga gielddas ja gullá Riikkageaidnu 21, mii lea dehálaš fievrredanjohtolat Jiekŋameara hámmaniidda. Geaidnooassi Áillahasluokta–Gilbbesjávri lea sullii 31 kilomehtera guhku. Geaidnu lea baski ja báikkuid hui fuones forpmas. Bajildusa govdodat lea eanaš dušše 6,5 mehtera, ja geainnu geometriija lea váilevaš.

Ráhkadusgearddit leat fuones forpmas, man dihtii eandalii lossa johtolat dagaha álkit ođđa vigiid. Lossa johtolaga oassi lea juoba 16–40 %, ja geainnus leat johttit eanet dihto áigodagaid. Eandalii dálvet trailerat firrojit geainnus olu, man geažil johtolagas leat boatkkagat baskkes geainnus. Guovllus ii leat mohkastangeaidnu, nappo vearrámus dilis ferte mohkastit juoba 450 kilomehtera.

 

Fitnu sisdoallu

Geaidnu govddiduvvo ja bajilduvvo sullii 8 mehtera govdosažžan. Seammás buoridit geainnu geometriija ja nannet dan ráhkadusaid. Barggut čuhcet eandalii daid sajiide, mat leat dorvvolašvuođa, bajásdoallama dahje johtolaga njuovžilvuođa dáfus krihtalaččat. Buorádusat ollašuhttojuvvojit osohahkii dálá geaidnolinjái, osohahkii ođđa linnjemii.

Fitnu doaibmabijut:

•    Govddidit geaidnooasi ja ođasmahttit bajildusa
•    Buoridit geainnu geometriija ja nannet dan ráhkadusaid
•    Buoridit geaidnolavttaid ja vejolaš bissehatguovlluid giliid buohta
 

Áigeguovdil

14.4.2025 Váldogeaidnu 21 buorideapmi álgá Eanodaga gieldda guovllus