Áillahasluokta-Gilbbesjávrri-geaidnooasi buorideapmi riikkageainnus 21 Eanodagas gárvána

Riikkageainnu 21 buorideapmi ovdána Eanodagas, go Áillahasluovtta ja Gilbbesjávrri gaskka geaidnooassi lea gárváneamen. Sulaid 4,2 kilomehtera guhkkosaš geaidnooassi gieđahallo lohppii golggotmánu loahpa rádjai.

Áillahasluovtta ja Gilbbesjávrri gaskka geaidnooassi lea oassin riikkaviidosaš váldogeaidnofierpmádagas ja dehálaš olles Suoma fuolahansihkkarvuođa dáfus. Geainnu alde johtet olu lossa johtalusa fievrrideamit Davvi-Norgga ja Jiekŋameara guvlui. Geaidnooassi lei ovdal buorideami seaggi ja heajos ortnegis, iige dat deavdán váldogeainnuide ásahuvvon gáibádusaid.

Geaidnodoaimmahaga fidnus geaidnooassi govddiduvvui gávcci mehtera govdosažžan ja dan allodatsajádat buoriduvvui. Buoridemiid mielde johtalusdorvvolašvuohta ja johtalusa njuovžilvuohta buorránit čielgasit. Fidnu golut ledje sulaid vihtta miljon euro.

”Barggut leat ovdánan bures ja fidnu gieđahallo lohppii golggotmánu loahpa rádjai. Geaidnomearkkat leat biddjojuvvon sadjái jo moadde vahku áigi”, muitala prošeaktaoaivámuš Keijo Heikkilä Geaidnodoaimmahagas.

Riikkageainnu 21 buorideapmi joatkašuvvá

Riikkageainnu 21 buorideapmi Eanodagas joatkašuvvá, go Bálojohnjálmmi ja Guhttása gaskka geaidnoasi buorideapmi álgá skábmamánus. Geaidnooassi lea plánejuvvon gárvánit jagi 2029 loahpa rádjai.

Bálojohnjálmmi gili buohta sihke Guhttása ja Jáhtona gaskka geaidnooasi geaidnoplána lea dohkkehuvvon, muhto ollašuhttimii ii leat vel boahtán ruhtadeapmi. Jáhtona ja Mávnna gaskka geaidnoplána vuordá dohkkeheami.

Dálá dilis riikkageainnu 21 buorideapmái lea mieđihuvvon ruhtadeapmi buohkanassii 35 miljon euro, mainna sáhttá ollašuhttit fidnuid Áillahasluokta-Gilbbesjávri ja Bálojohnjálbmi-Guhttás. Olles Bálojohnjálmmis Gilbbesjávrái ollán geaidnooasi plánemii ja ollašuhttimii dárbbašuvvo vel sakka eanet ruhtadeami.

Lassedieđut:

Keijo Heikkilä
Prošeaktaoaivámuš, Geaidnodoaimmahat
tel. 029 5343 582
[email protected]

Rg 21 -fidnut neahtas:

https://vayla.fi/vt-21-palojoensuu-jatuni
https://vayla.fi/vt-21-ailakkalahti-kilpisjarvi-enontekio

Fidnu lea EU:a oasseruhttejuvvon.