Áigetávval
2025–2028 (huksen)

Goasttádusat
s. 30 M€

Diŋgojeaddji
Geaidnodoaimmahat

Teknihkalaš jođiheaddji
GRK
 

Mihttomearri lea buoridit

•    geainnu johtolatdorvvolašvuođa ja johtolaga njuovžilvuođa
•    geainnu geometriija ja ráhkadusaid deaivvadandiliid dorvvolašvuođa ovddideami várás
•    guovllu juvssahahttivuođa
•    guhkesmátkki johtolaga doaibmasihkkarvuođa ja einnosteami
•    fievrredemiid beaktilvuođa
•    ealáhuslági ja turismma ovddideami eavttuid. 

 

Mihttomearri lea geahpedit

•    traileriid firronbárttiid
•    dálkki dagahan hehttehusdiliid
•    boatkkagiid johtolagas, mat leat čuovvumuš das, ahte mohkastanvejolašvuođat váilot
•    geainnu fuones forpma dagahan čuolmmaid: ravdadeaddašuvvamiid, mollanemiid ja bajildusvigiid.

 

Áigeguovdil

GRK lea válljejuvvon prošeavtta entreprenevran, ja A-Engineers lea ovddasvástideaddji ovttasbargoguoibmi hábmemis. Prošeakta álggahuvvui huksenplána ráhkademiin guovvamánus 2025.

Huksenbarggut čađahuvvojit váldoáššis geasseáigodagas. Geaidnooassi gárvvásmuvvá jagi 2028 lohppii. Prošeavtta árvaluvvon golut leat sullii 30 miljon euro, ja dat lea oassi Suoma geaidnodoaimmahaga investerenprográmma jagiin 2025–2032.

Álgodilli

Geaidnooassi, mii buoriduvvo, lea Eanodaga gielddas ja gullá Riikkageaidnu 21, mii lea dehálaš fievrredanjohtolat Jiekŋameara hámmaniidda. Geaidnooassi lea baski, daningo bajildus lea báikkuid vuollil 6,5 mehtera govdosaš. Geaidnu lea maid fuones forpmas ja geometriijas dáfus váilevaš. Lossa johtolaga oassi lea stuoris (16–40 % fievrruin), ja fievrredeamit čađahuvvojit eambbo dihto áigodagaid. Erenomážit dálvet trailerat firrojit geainnus olu. Firron traileriid lokten botke dávjá johtolaga baskkes geainnus, iige guovllus leat mohkastangeaidnu. Vearrámus dilis ferte mohkastit juoba 450 kilomehtera.

 

Fitnu sisdoallu

Fitnus huksejuvvo riikkageaidnu 21 ođđasit sullii 30 kilomehtera mátkkis ja buoriduvvo dan geometriija. Geaidnu govddiduvvo ja bajilduvvo 8 mehtera govdosažžan. Buorádusat čuhcet eandalii daidda osiide, mat leat dálá dilis krihtalaččat dorvvolašvuođa ja bajásdoallama dáfus.

 

Fitnu doaibmabijut:

•    Buoriduvvo geainnu ceakko- ja láskkogeometriija.
•    Govddidit geaidnooasi ja ođasmahttit bajildusa.
•    Nannet geainnu vuođđoráhkadusaid.
•    Suddjet iešguđetlágan doaibmabijuiguin ráhkadusaid ja birrasa.
•    Buoridit geaidnolavttaid ja vejolaš bissehatguovlluid giliid buohta.
•    Ollašuhttit giliid buohta doaibmabijuid, mat buoridit johtolatdorvvolašvuođa.
•    Buoridit bajásdoallanválmmašvuođaid.

Áigeguovdil

10.10.2025 Bálojohnjálmmi ja Guhttása gaskka geaidnooasi buorideapmi Eanodagas álgá skábmamánus
14.4.2025 Váldogeaidnu 21 buorideapmi álgá Eanodaga gieldda guovllus