Lappi ealáhus-, johtolat- ja birasguovddáš (EJB-guovddáš) lea ráhkadeamen áššečuoggás máinnašuvvon geaidno- ja huksenplána eanangeidnui 92 Ohcejohkii Gáregasnjárgga šaldi buohta. Plána ráhkaduvvo ovttasbarggus Norgga stáhtain ja Ohcejoga gielddain.
Geaidno- ja huksenplána sisttisdoallá eanangeainnu 92 divodeami ja ođđa šaldi huksema Anárjoga rastá Norgii. Plána mihttomearri lea buhttet ođđa šaldiin dálá šaldi, mii lea fuones ortnegis, oktan geaidnoordnedemiiguin.
Álbmotdilálašvuohta lágiduvvo:
Áigi duorastat 8.12.2022 dmu 18.00–20.00
Báiki Gáregasnjárgga máŋggadoaimmadállu, Ylätenontie 324, Gáregasnjárga
Dilálašvuođas sáhttá oahpásmuvvat plánahápmosiidda ja ovdanbuktit daid birra iežas oaivila. Lassidieđuid fidnu birra sáhtát lohkat fidnu interneahtta-siidduin https://vayla.fi/maantien-92-parantaminen-karigasniemen-sillan-kohdalla-utsjoki.
Dilálašvuohta lea rabas guovllu buot ássiide, eananoamasteaddjiide ja earáide, geat leat beroštuvvan áššis.
Plánaide laktáseaddji oaiviliid, kommeanttaid ja gažaldagaid bivdit sáddet 16.12.2022 rádjái čujuhussii [email protected] ja [email protected] dahje poasttain čujuhussii Lapin ELY-keskus, Kirjaamo, PL 8060, 96101 Rovaniemi (reivii dovddaldat LAPELY/3318/2022)
Lappi EJB-guovddáš gieđahallá plána ráhkadeami hárrái dárbbašlaš persovdnadieđuid. Jus háliidat diehtit dárkilabbot fávleplána diehtosuodjegeavadagain, oahpásmuva fierbmesiidduid diehtosuodjeoassái čujuhusas www.ely-keskus.fi/tietosuoja.
Bovdehus lea almmustahtton diehtofierpmis Lappi EJB-guovddáža fierbmesiiddus 30.11.2022.
Lassidieđuid plána birra addet
• Lappi ealáhus-, johtolat- ja birasguovddáš, prošeaktahoavda Tomi Tiuraniemi, tlf. 0295 037 262, tomi.tiuraniemi(at)ely-keskus.fi
• Ohcejoga gielda, teknihkalaš hoavda Markku Porsanger, tlf. 0400 158 561, markku.porsanger(at)utsjoki.fi
• Sitowise Oy, prošeaktahoavda Pirkka Hartikainen, Sitowise Oy tlf. 040 735 1998, pirkka.hartikainen(at)sitowise.com
Bures boahtin!
Lappi ealáhus-, johtolat- ja birasguovddáš